Сайёҳларга хизмат кўрсатиш объектларидаги санитар шароитларни ўрганиш ва уларнинг хавфсиз фаолият юритишга тайёргарлигини текшириш мақсадларида Вазирлар Маҳкамасининг топшириғига мувофиқ ишчи гуруҳ ташкил этилиб, унинг таркибига Туризмни ривожлантириш давлат қўмитаси ва бошқа вазирлик, идора, жамоат ташкилотлари ва нодавлат нотижорат ташкилотлар (ННТ) киритилди. 11-16 май кунлари ишчи гуруҳ томонидан меҳмонхоналар, марказий автовокзал, марказий темир йўл вокзали ҳамда Тошкент халқаро аэропорти каби инфратузилмалар ҳолатининг дастлабки мониторинги ўтказилди.

Эртага, 22 май куни халқ депутатлари Самарқанд вилоят Кенгашининг саккизинчи сессияси бўлиб ўтади.

Сессия кун тартибидан Олий Мажлис Сенатининг Маҳаллий ҳокимият вакиллик органлари фаолиятини кучайтиришга кўмаклашувчи комиссияси томонидан Самарқанд вилоятини ижтимоий-иқтисодий ривожлантириш, халқ депутатлари маҳаллий кенгашлари фаолияти самарадорлигини ошириш борасидаги ишларни ўрганиш якунлари тўғрисидаги ҳамда бошқа масалалар жой олган.

Президентимиз 2020 йил 18 май куни «Коронавирус пандемияси даврида аҳоли ва тадбиркорлик субъектларини қўллаб-қувватлаш бўйича навбатдаги чора-тадбирлар тўғрисида»ги фармонни қабул қилди.

Унга кўра, 2020 йил 1 июндан 1 сентябргача қуйидагилар мол-мулк ва ер солиғи тўлашдан озод этилади:

- кичик тадбиркорлик субъектлари;

- бозорлар ва савдо комплекслари, кинотеатрлар, умумий овқатланиш корхоналари, жамоат транспорти корхоналари, спорт-соғломлаштириш муассасалари;

2019-2020 ўқув йилидаги мактаб имтиҳонлари карантин сабабли бекор қилинди. Бу ҳақда халқ таълими вазири Шерзод Шерматов хабар берди.

Бу чора карантин ва кўпчилик ота-оналарнинг илтимосларини инобатга олиб қўлланган. Мактабларга ўқувчиларнинг йиллик баҳоларини ўқув йилининг III та чорак баҳолари асосида чиқариш тавсия этилган.

Шунингдек, kundalik.com тизими орқали тиришқоқлик билан ўқиган ўқувчиларни рағбатлантириш мақсадида IV чоракдаги фақат ижобий баҳоларини ҳам йиллик баҳоларини ҳисоблашда инобатга олиш тавсия этилган.